काठमाडौं — ‘कूलिङ अफ पिरियड’ प्रावधानमा हस्तक्षेप गरेको आरोपमा प्रतिनिधि सभाको राज्य व्यवस्था तथा सुशासन समितिका सभापति रामहरी खतिवडाले मंगलबार पदबाट राजीनामा दिएका छन्।प्रतिनिधि सभा बैठकमा बोल्दै उनले विशेष छानबिन समितिको प्रतिवेदन र बढ्दो राजनीतिक दबाबको कारण आफूले नैतिक जिम्मेवारी स्वरूप पद त्यागेको बताएका छन्।
“जनप्रतिनिधिले प्रश्न उठाएको विषय र समितिले दिएको निष्कर्षलाई सम्मान गर्दै म सभापतिको पदबाट राजीनामा दिन्छु,” खतिवडाले भने।
संविधान र ऐनले अवकाश प्राप्त सरकारी अधिकृतलाई पुनः नियुक्ति पाउन तोकिएको निश्चित समय ‘कूलिङ अफ पिरियड’ मा रोक लगाउँछ।
खतिवडामाथि समितिको बैठकमा हस्तक्षेप गर्दै केही कर्मचारीलाई सो अवधिभित्रै पुनर्नियुक्ति सहज बनाउने प्रयास गरेको आरोप लागेको थियो।
नैतिक र राजनीतिक प्रश्न उठेपछि खतिवडाले मंगलबार राज्य व्यवस्था तथा सुशासन समितिको सभापति पदबाट राजीनामा दिए । दुरा यसअघि नै राज्य व्यवस्था समितिको सचिवको जिम्मेवारीबाट हटिसकेका छन् । अब परोक्ष रुपमा जिम्मेवार किटान गरेका मुख्यसचिव लगायतका कर्मचारीहरूको हकमा अब के हुन्छ । संसदीय छानबिन विशेष समितिले औंल्याएका विषय कसरी कार्यान्वयनमा जान्छ आमचासो छ ।
संसद् सचिवालयका पूर्वसचिव सोमबहादुर थापा राजनीतिक व्यक्तिले पद छाडेपछि प्रतिवेदन कार्यान्वयन गर्न सहज भएको बताउँछन् । उनको बुझाइमा सभापति खतिवडाको राजीनामाले प्रतिवेदनको बाँकी अंश कार्यान्वयनको लागि आवश्यक कार्य अगाडि बढाउने बाटो खुला गरिदिएको छ ।
छानबिन समितिको प्रतिवेदन विशेष संसदीय छानबिन समितिले खतिवडालाई नैतिक जिम्मेवारी लिनुपर्ने ठहर गर्दै प्रतिवेदन बुझाएको थियो।सो प्रतिवेदनमा सम्बन्धित मन्त्रालयका केही कर्मचारीलाई पनि अनुचित कार्यमा संलग्न देखाइएको छ।नेपाली कांग्रेसको आन्तरिक समितिले पनि खतिवडालाई पद छोड्न सुझाव दिएको थियो।
राजनीतिक प्रतिक्रिया
विपक्षी दल एमाले, माओवादी केन्द्र, र राष्ट्रिय स्वतन्त्र पार्टी रास्वपा लगायतका सांसदहरूले सभापतिको तत्काल राजीनामा माग गर्दै आएका थिए।
लगातारको दबाब र प्रतिवेदन सार्वजनिक भएपछि खतिवडाले अन्ततः पद छोडेका हुन्।
अगाडि के हुन्छ
प्रतिनिधि सभा नियमावली अनुसार नयाँ सभापतिको चयन सभापतिको पद खाली भएको १५ दिनभित्र प्रतिनिधि सभा अध्यक्षले गर्नुपर्ने हुन्छ।
त्यतिञ्जेलसम्म समितिको बैठक वरिष्ठ सदस्यको अध्यक्षतामा सञ्चालन हुनेछ।