केपी ओलीबिनाको एमाले होस् भन्नेहरूको कामना पूरा हुँदैन: प्रधानमन्त्री

ुएमाले सहकारी ठगेर मुद्दा झेलेपछि आफ्नो पक्षमा हस्ताक्षर अभियान चलाउने रास्वपाजस्तो होइनु

प्रधानमन्त्री केपी शर्मा ओलीले प्रतिक्रियावादीहरूले एमालेबिनाको देश र केपी ओलीबिनाको एमाले होस् भन्ने कामना गरेको बताएका छन्।

शनिबार झापामा जिल्लास्तरीय कार्यकर्ता भेलालाई सम्बोधन गर्दै उनले त्यस्ता कामना कहिल्यै पूरा नहुने पनि बताए।

ुएमालेविनाको देश र केपी ओली विनाको एमाले होस् भन्ने कामना गर्नेहरूको कामना पुरा हुँदैन। एमाले साना स्वार्थ बोक्ने पार्टी होइन। यसको काँधमा देश बनाउने महान उद्देश्य छ। यो राष्ट्रिय हितका लागि बलिदानबाट आएको पार्टी हो,ु उनले भने।

उनले एमाले कसैले बुनेको जालमा नपर्ने पनि बताए।

ुएमालेविरुद्ध जाल बुन्नेहरु सफल हुँदैनन्। माकुरोको जालोमा कहिल्यै भैसी पर्दैन। हाम्रा विरुद्धको भ्रामक प्रचारको पछि लाग्नु हुँदैन। केपी ओली र एमालेले भ्रष्टाचार गर्दैन,ु उनले भने

प्रधानमन्त्री ओलीले  रास्वपा र उसले चलाएको हस्ताक्षर अभियानबारे पनि टिप्पणी गरे।  ुहामी  सहकारी ठगेर मुद्दा  झेलेपछि आफ्नो पक्षमा हस्ताक्षर अभियान चलाउने रास्वपाजस्तो हुँदै होइनौं,ु उनले भने।

एमाले अध्यक्षसमेत रहेका ओलीले पार्टीभित्रको एकतालाई मजबुत बनाएर संकल्पका साथ लाग्ने हो भने एमालेलाई अरुले हराउन नसक्ने बताए।

एमालेमा लामो समय बसेर विभिन्न जिम्मेवारी र लाभको अवसर लिएका कतिपय स्वार्थी नेताहरूले विगतमा पार्टी विभाजन र पार्टी सिध्याउने षड्यन्त्र गरे पनि कार्यकर्ता र जनताले एमालेलाई बचाएर पुनः  राष्ट्रिय शक्ति बनाएको उनले स्मरण गरे।

उनले नेपाललाई एमालेले नसके अरु कसैले बनाउन नसक्ने स्पष्ट गर्दै आफू प्रधानमन्त्री भएपछि फलामखानी र पेट्रोलियम पदार्थको उत्खनन, सुरुङमार्ग निर्माणजस्ता अनेकौं  विकास र समृद्धिका काम थालनी भएको र त्यसको प्रतिफल आउन थालेको बताए।

अहिले नेपालको अन्तर्राष्ट्रिय छवि देखिने र सुनिने अवस्थामा रहेको उल्लेख गर्दै उनले पछिल्लो स्पेन भ्रमणको सफलता सुन्न नचाहने विपक्षीले वाइसिएल प्रयोग गरेर स्पेन भ्रमणमा मान्छे छाडेर आयो भन्ने दुस्प्रचार गरेको जनाए।

छाडेर आयो भन्ने दुस्प्रचार गरेको जनाए।