Aawaj Nepal
Aawaj Nepal

भारतमा कोरोनाबाट मृत्यु हुनेको संख्या २५ पुग्यो, संक्रमित संख्या नौ सय ७९


आवाज नेपाल, २०७६ चैत १६ आइतबार


भारतमा कोरोनाभाइरसको संक्रमणबाट मृत्यु हुनेको संख्या २५ पुगेको छ। आइतबारसम्म यसको संक्रमणबाट २५ जनाको मृत्यु भएको स्वास्थ्य मन्त्रालयले जनाएको छ।

मृत्यु हुनेको संख्या बढेसँगै संक्रमित बिरामीहरू पनि बढ्दै गएका छन्। आइतबारसम्म कोरोना संक्रमित बिरामीको संख्या नौ सय ७९ पुगेको छ।

तीमध्ये नौ ३१ जना भारतीय नागरिक र अन्य ४८ विदेशी रहेको बताइएको छ। संक्रमणपछि अस्पताल भर्ना गरिएका ८७ जना उपचारपछि घर फर्किसकेका छन्।

महाराष्ट्र प्रदेशमा सबभन्दा धेरै संक्रमित बिरामी छन्। मन्त्रालयका अनुसार त्यहाँ एक सय ८६ जना र केरलामा एक सय ८२ बिरामी रहेका छन्।

महाराष्ट्रमा अहिलेसम्म ६ जनाले ज्यान गुमाएका छन्  त्यस्तै, गुजरातमा चार जनाले गुमाएका हुन्।

शनिबार रातिसम्म भारतमा कोरोना संक्रमित बिरामीहरूको संख्या नौ सय १८ थियो भने बिहान नौ सय ७९ पुगेको हो।

भारतमा अहिले कोरोनाभाइरसको रोकथामका लागि २१ दिने लकडाउन जारी छ।

Loading...
Loading...
Aawaj Nepal

प्रतिकृया

प्रतिकृया

370X180

ताजा समाचार

धेरैपटक हेरिएको

370X180
370X180