Aawaj Nepal
Aawaj Nepal

‘जात्रै जात्रा’ निर्माता भन्छन्–‘शो कम भयो भनेर रुनु बेकार छ, पहिले पाएको भर्न सक्नुपर्छ’


आवाज नेपाल, २०७६ वैशाख २६ बिहीबार


‘जात्रै जात्रा’ निर्माता भन्छन्–‘शो कम भयो भनेर रुनु बेकार छ, पहिले पाएको भर्न सक्नुपर्छ’

जेठको ३ गतेबाट रिलिज हुन लागेको चलचित्र ‘जात्रै जात्रा’को कार्यकारी निर्माता तथा कलाकार रविन्द्र सिंह बाँनिया सकारात्मक सोच राख्छन् । उनी, यो चलचित्रलाई ‘जात्रा’सँग तुलना गरेर नआउन दर्शकलाई आग्रह पनि गर्छन् । उनले आफूहरुले चलचित्र राम्रो बनाउने कोशिश गरेको भन्दै अब दर्शकको हातमा रहेको सुनाए ।

मिडियाको कुराकानीमा उनले भने–‘तपाइको कर्म, तपाइको भाग्य नै खाने हो तपाइले । कसैको भाग्य कसैको खाना अरुले खोस्न सक्दैन । चलचित्र एकसाथ ३–४ वटा रिलिज भएर झनै दर्शकलाई सूचना बढी पुगेको छ, बनाउने मेकरलाई च्यालेन्ज बढेको छ ।’

उनले मल्टिप्लेक्समा शोज कम पाइयो र चलचित्र चलेन भनेर कुनै निर्माताले भन्छ भने त्या गल्ती लुकाउने बहाना मात्र भएको बताए । उनले भने–‘हामी सबै भाग खान खोज्छौ । तर, पछि थोरै पनि खान सक्दैनौ । पहिले आफूले पाएको खाना सकौ, अनी मात्र अरु मागौ । आफूले पाएको नसक्ने अनी अरु भाग पनि लिन खोज्नु कमजोरी हो ।’

उनको वुझाइमा, नेपाली चलचित्रको स्क्रिन धेरै भैसकेकाले अहिले एकसाथ ३ वटा चलचित्र रिलिज हुँदा पनि पुग्ने अवस्था छ । उनले भने–‘दर्शकका लागि रोाजई भैसकेको छ । दर्शक आफैले अब के हेर्ने भन्नेमा पक्का भैसकेका छन् । झन्, चलचित्र एकसाथ आउँदा हामीलाई राम्रो बनाउन दबाब बढ्छ । म त ‘वीर विक्रम २’ लाग्दैछ, उहाँहरुलाई पनि शुभकामना दिन चाहन्छु ।’

उनले भने–‘मलाई १२–१३ शोज भएपनि पुग्छ । पाएको शोज भर्न पाउँ । भोली चलचित्रले आफै माग्ने हो । चाहियो भने माग्छु, नत्र माग्दिनँ ।’ निर्माता तथा कलाकार बाँनियाले अहिले कलाकार पनि धेरै पारिश्रमिक पाउँदा ठूलो हुने र चलचित्रले पनि शोज धेरै पायो भने ठूलो हुने अवस्था आएको छ । हामी यसले गलत बाटोतर्फ लागिरहेका छौ ।

उनले चलचित्र ‘जात्रै जात्रा’को कथावस्तु सुन काण्डमात्र नभएको बताए । दर्शकले चलचित्र हेर्दा मनोरञ्जनको साथमा केही नयाँ कुरा पाउने उनको दाबी छ । प्रदिप भट्टराइको निर्देशनमा तयार भएको चलचित्र ‘जात्रै जात्रा’मा विपिन कार्की, दयाहाङ राई, रविन्द्र झा, रविन्द्र सिंह बाँनिया, राजाराम पौडेल, बर्षा राउत लगायतका कलाकारको मुख्य भूमिका छ ।

Loading...
Loading...
Aawaj Nepal

प्रतिकृया

प्रतिकृया

370X180

धेरैपटक हेरिएको

370X180
370X180