Aawaj Nepal
Aawaj Nepal

सरकारले बल प्रयोग गरेरै देशभरका अस्पताल संचालन गर्छः मन्त्री पण्डित


आवाज नेपाल, २०७५ चैत २८ बिहीबार


सरकारले बल प्रयोग गरेरै देशभरका अस्पताल संचालन गर्छः मन्त्री पण्डित

कैलाली । सरकार कसैको पनि दया माया नगरेर कडा रुपमा प्रस्तुत हुने संघीय मामिला तथा सामान्य प्रशासन मन्त्री लालबाबु पण्डितले बताएका छन् ।

प्रेस क्लव धनगढीले बिहीबार धनगढीमा आयोजना गरेको पत्रकार सम्मेलनमा बोल्दै उनले बल प्रयोग गरेर भए पनि देशभरका अस्पताल संचालन गर्ने बताए ।

पेशागत मर्यादा भन्दा बाहिर गएर राखेको माग पुरा नहुने बताउँदै उनले डाक्टरहरुले संघ रोज्नुको कारण साइन बोर्ड देशभर राख्ने तर आफु काठमाडौँमा बस्ने योजना रहेको आरोप लगाए ।

राष्ट्रको सामु खाएको सपथ अनुसार अगाडि नबढेमा सरकारले कारवाही गर्ने बताउदै उनले सरकारले सेवा सुविधासहित पठाएको ठाउँमा डाक्टर जानुपर्नेमा जोड दिए ।

मन्त्री पण्डितले कानुन अनुसार सरकारले डाक्टरलाई कारवाही गर्न सुरु गरिसकेको बताए ।

अब बल प्रयोग गरेर अस्पताल संचालन गर्ने बताउदै उनले डाक्टरलाई बोलाएर सबै प्रश्नको सुनुवाई सरकारले पहिले नै गरिसकेको बताए ।

देशलाई संघियतामा लैजानु सामान्य कुरा नभएको बताउँदै मन्त्री पण्डितले कर्मचारी समायोजनपछि नपुगेका स्थानिय तह तथा प्रदेशमा करारमै पनि कर्मचारी भर्ना गरेर पदपुर्ती गरिने बताए ।

Share Tweet Pin
इमेजखबर एपबाट खोल्नुहोस् । एन्ड्रोइड डाउन्लोडका लागि यहाँ र आइफोनका लागि यहाँ क्लिक गर्नुहोस् ।

Loading...
Loading...
Aawaj Nepal

प्रतिकृया

प्रतिकृया

370X180

धेरैपटक हेरिएको

370X180
370X180