Aawaj Nepal
Aawaj Nepal

यी हुन् मानव इतिहासकै धनी व्यक्ति, सम्पत्ति कति थियो ?


आवाजनेपाल, २०७५ फाल्गुन २७ सोमबार


यी हुन् मानव इतिहासकै धनी व्यक्ति, सम्पत्ति कति थियो ?

अहिले विश्वका सबैभन्दा धनी मानिस अमेजन कम्पनीका मालिक जेफ बेजोस हुन् । हालै फोर्ब्स म्यागेजिनले जारी गरेको सूची अनुसार उनको कूल सम्पत्ति १ खर्ब ३१ अर्ब रहेको छ । दुनियाका अन्य धनी मानिसहरुको नाम लिनुपर्दा बिल गेट्स, वारेन बफेट, कार्लोस स्लिम आदिको नाम आउँछ । हामीले वर्षौँदेखि यिनै नामहरु विश्वका सबैभन्दा धनी मानिसको रुपमा पढ्दै आएका छौँ । तर हामीलाई मानव इतिहासकै एकजना सबैभन्दा धनी मानिसको बारेमा सायद थाहा नै छैन ।

हो, अहिलेका सर्वाधिक धनी मानिस जेफ बेजोज भन्दा ३ गुणा धेरै सम्पत्ति भएका एक मानिस पनि यो धर्तीमा थिए । इतिहासकारहरुले ती व्यक्तिलाई मानव इतिहासमै सबैभन्दा धनी व्यक्ति मान्छन् । सन् १२८० देखि १३३७ सम्म माली देशको राजा रहेका मनसा मुसा प्रथम मानव इतिहासकै सबैभन्दा धनी मानिस हुन् । ती बादशाह सुन, चाँदी तथा हीराजस्ता धेरै बहुमूल्य खनिज पदार्थ तथा खानीहरुको मालिक थिए । उनको सम्पत्ति कति थियो, उनी आफैंलाई थाहा थिएन भनिन्छ । उनको त्यतिबेलाको राज्यको केन्द्र माली भएपछि त्यो राज्य हालका अफ्रिकाका धेरै देशहरुसम्म फैलिएको थियो ।

त्यस समय विश्वभर नै सुनको माग अत्यन्तै उच्च थियो । जसका कारण उनले आफ्नो राज्यमा भएको सुनको बिक्रीबाट विशाल धनसम्पत्ति जोड्न सफल भए ।

वास्तवमा उनीसँग त्यसबेला रहेको धन सम्पत्तिको हिसाब आजको मूल्यमा गर्नु निकै कठीन हुन्छ । तथापि, इतिहासकार तथा अर्थविदहरुले उनको त्यस बेलाको सम्पत्तिलाई अहिलेको मूल्यमा गणना गरेका छन् । जस अनुसार ती बादशाहको सम्पत्ति अहिलेको मूल्यमा कूल ४ खर्ब अमेरिकी डलरको रहेछ ।

जेफ बेजोसलाई विश्वमा १ खर्ब डलर भन्दा बढि सम्पत्ति हुने विश्वकै पहिलो र एकमात्र व्यक्ति मानिन्छ । तर वादशाह मुसाको सम्पत्ति बेजोसको भन्दा झण्डै ४ गुणा बढि रहेछ ।

Loading...
Aawaj Nepal

प्रतिकृया

प्रतिकृया

370X180

धेरैपटक हेरिएको

370X180
370X180