Aawaj Nepal
Aawaj Nepal

जाइराको अब नयाँ प्रदर्शन मिति तय


आवाजनेपाल, २०७५ फाल्गुन २७ सोमबार


जाइराको अब नयाँ प्रदर्शन मिति तय

यो बर्ष नै रिलिजमा आउने बताइएको चलचित्र ‘जाइरा’ले अब नयाँ प्रदर्शन मिति तय गरेको छ । नायिका नम्रता श्रेष्ठलाई मिक्स मार्सल आर्ट खेलाडीको भूमिकामा देखाइएको यो चलचित्रलाई आउँदो बर्षको भदौ ६ गते रिलिज हुने भएको छ । श्रीकृष्ण जन्माष्टमीको अवसर पारेर चलचित्रलाई रिलिज गर्न लागिएको बताइएको छ । एक महिलाले लिएको प्रतिशोधको कथामा यो चलचित्र बनेको छ । चलचित्रमा नायिका नम्रता श्रेष्ठ, नायक अनुप विक्रम शाही, प्रमोद अग्रहरि, रेमनदास श्रेष्ठ लगायतका कलाकारको मुख्य भूमिका छ ।

साथमा चलचित्रमा नव–कलाकारहरु श्रृजना रेग्मी, सुजता श्रेष्ठ र सम्राट मगरको मुख्य भूमिका छ । नम्रताले यो चलचित्रका लागि कपाल समेत काटेकी थिइन् । साथै, उनले आफ्नो तौल ५१ केजीबाट घटाएर ४३ केजी पुर्याएकी थिइन् ।

नायिका श्रेष्ठले आफूले चलचित्रका लागि ६ महिना एक्सनको तालिम समेत लिएको बताइन् । आशुतोष राज श्रेष्ठले यो चलचित्रलाई निर्देशन गरेका हुन् । पटकथाको काम निर्देशक श्रेष्ठ र निरोज महर्जनले सम्हालेका छन् । कटामरी फिल्मस्को ब्यानरमा निर्माण भएको यो चलचित्रलाई नम्रता श्रेष्ठ प्रोडक्शन र ट्रेन्डसेटर्स प्रालिको ब्यानरमा प्रस्तुत भएको हो । प्रशन्न गोपाली कार्यकारी निर्माता रहेको यो चलचित्रलाई लोकेश बज्रचार्यले सम्पादन गरेका हुन् ।

Loading...
Aawaj Nepal

प्रतिकृया

प्रतिकृया

370X180

धेरैपटक हेरिएको

370X180
370X180