Aawaj Nepal

जय भोले’को गीत रिलिज, ‘उम्लियो भने पोखिन्छ’


आवाजनेपाल, २०७५ जेठ ३१ बिहीबार


 

चलचित्र ‘कुटुमा कुटु’ बोलको गीतमा नृत्य गरेपछि चर्चित बनेकी नायिका स्वस्तिमा खड्काले अर्को एक चलचित्रको गीतमा लोभलाग्दो नृत्य गरेकी छिन् ।

अशोक शर्माको निर्माण तथा निर्देशनमा तयार भएको चलचित्र ‘जय भोले’को ‘उम्लियो भने पोखिन्छ’ बोलको गीतमा स्वस्तिमाको नृत्य गज्जबको छ ।

राजनराज सिवाकोटीको स्वर, शब्द र संगीत रहेको यो गीतमा मेलिना राइको पनि आवाज छ । यो गीतको भिडियोमा स्वस्तिमा खड्का, सलोन बस्नेत, खगेन्द्र लामिछाने, सौगात मल्ल, वुद्दि तामाङ, राजाराम पौडेल लगायतका कलाकारलाई फिचरिङ गरिएको छ ।

बसन्त श्रेष्ठको नृत्य निर्देशन रहेको यो गीतको भिडियोलाई पुरुषोत्तम प्रधानले छायांकन गरेका हुन् । यो गीतको स्वाद ‘कुटुमा कुटु’को जस्तो लाग्छ । राजनराजले फेरि एकपटक राम्रो गीत बजारमा ल्याएका छन् । भिडियोको कोरियोग्राफी औषत छ । कलाकारको कम्मर मकाई भने गज्जबको छ ।

पूर्वको अर्जुनधारामा खिचिएको यो गीतको भिडियोमा चलचित्रका सबै कलाकारलाई फिचरिङ गरिएको छ, जुन यसको आकर्षक पक्ष हो ।
यो बर्षको दशैंको फूलपातिबाट रिलिज हुन लागेको यो चलचित्रलाई कमेडी जनरामा निर्माण गरिएको छ ।

Loading...
Aawaj Nepal

प्रतिकृया

प्रतिकृया

370X180

धेरैपटक हेरिएको

370X180
370X180