Aawaj Nepal
Aawaj Nepal

थामिएन प्रचण्डका आँशु (तस्बिर)


आवाजनेपाल, २०७४ मंसिर ३ आइतबार


काठमाडौं । नेकपा माओवादी केन्द्रका अध्यक्ष पुष्पकमल दाहाल प्रचण्डले पार्टीको झण्डा ओढाएर आइतबार बिहानपख निधन भएका छोरा प्रकाशलाई अन्तिम श्रद्धाञ्जली व्यक्त गर्नुभएको छ ।

नेकपा माओवादी केन्द्रका पोलिट्ब्युरो सदस्य समेत रहेका प्रकाश दाहाल “साकार”लाई पार्टीको झण्डा ओढाएर प्रचण्डले अन्तिम श्रद्धाञ्जली दिए ।

आँखाभरी आँशु लिएका प्रचण्डले छोरा प्रकाशको पार्थिव शरीरमाथि पार्टीको झण्डा ओढाएका थिए ।

२०५७ देखि नै नेकपा माओवादीमा पूर्णकालिन भएर सचिवालयमा काम गरेका प्रकाशको ३६ वर्षको उमेरमा आइतबार बिहान निधन भएको थियो । प्रचण्ड दुईपटक प्रधानमन्त्री हुँदा पनि प्रकाशले नै सचिवालयको जिम्मेवारी निर्वाह गरेका थिए ।

प्रकाश प्रचण्डको विश्वाशिलो अंग रक्षक पनि हुन् । युद्धकालमा उनले प्रचण्डको सुरक्षा गरेका थिए । प्रकाशका २ श्रीमति र २ छोरा छन् ।

“प्रकाशको पार्थिव शरीरमा माओवादी केन्द्रका नेताहरु नारायणकाजी श्रेष्ठ, कृष्ण बहादुर महरा, वर्षमान पुन, कांग्रेस नेता एवम् शिक्षा मन्त्री गोपालमान श्रेष्ठ लगायतका नेताहरुले अन्तिम श्रद्धाञ्जली व्यक्त गरेका थिए ।”

Loading...
Aawaj Nepal

प्रतिकृया

प्रतिकृया

370X180

धेरैपटक हेरिएको

370X180
370X180